هدية امي /بقلم عبد الحفيظ جابر
هدية أمي
أشتريت الهدية ولفتها
وروحت البيت ما لقيتها
دخلت جري على أوضتها
لقيتها تركت فرشتها
قولت هي فين أمي
قالوا إدخل إمسح دمعتها
دخلت والدمع مالي عنيا
خايف ألمسها بأديا
لقيتها ملفوفة بالأبيض
وسعتها ما شلتنيش رجليا
كان نفسي ألمس جبهتها
وبأيدي أمسح دمعتها
قالوا بسرعة عشان خاطري
هانروح على فين
قالوا تحضر دفنتها
قولت طب وهديتها
وبسرعة وصلنا لمقبرتها
طيب أدخل معاها
عشان خاطري
قالوا دعتلك فالفجر
وانت عايز ايه غير دعوتها
قولت عايز سلامتها
والليلة ليلة فرحتها
يارب تمم فرحتها
بقلمي/عبد الحفيظ جابر شيبه
تعليقات
إرسال تعليق